RESPUBLICA Helvetiorum

RESPUBLICA Helvetiorum

les Suisses, alias in Gallia Celtica, hodie in Germania. Dividitur in tredecim pagos; quorum hic ordo est; in comitiis Badensibus: Tigurum. Berna. Lucerna. Uria. Suicia. Undervaldia. Tugium. Glarona. Basilea, Uria. Solodorum. Scaphusia.

Abbatiscella.

Ex his Uria, Suitia et Urdervaldia, debellatis Morgatensi praeliô Austriacis aeternum inierunt foedus, A. C. 1315. Lucernates his accesserunt, A. C. 1332. Tigurini dein cum Glaronensibus in foedus recepti sunt, A. C. 1351. Bernenses, eôdem annô, quô Tugeni, nempe 1352. secundum Simlerum, aut 1353. iuxta Cl. Hottingerum: Postea Friburgenses et Solodorenses, A. C. 1481. post exactum bellum Burgundicum: Basilienses dein et Scaphusiani A. C. 1501. confectô Suevicô bellô, Abbatiscellani tandem A. C. 1513. cum prioribus in eiusdem foederis societatem, nullô aevô dissolubilem, sunt assumpti. Cum horum maxima parte foedus quoque percusserunt, Abbas Sangallensis, Sangallum oppid. Rhaeti, Vallesiani: et Mulhusium. Speciatim cum Bernensibus Biennenses et Neocomenses, cum Bernatibus et Tigurinis Geneva foedus colit. Habent porro Helvetii varias Praefecturas imperio suo subiectas: Intra Helvetiae limites quidem, Comitatus tres Aquensem, Turgoviensem et Sarunegaunensem: Liberas Provincias item et Rheguscos: Extra Helvetiam vero, Praefecturas Trans-Alpinas quatuor Luganensem, Locarnensem, Mendrisianam et Vallis Madiae, ut taceam alias, quibusdam tantum Pagis subditas. Vide in voce Helvetii.